२८ असार ०८०, काठमाडौं । अखिल नेपाल ट्रेड युनियन महासंघले नेकपा (माओवादी केन्द्र)का केन्द्रीय सल्लाहकार एवम् प्रधानमन्त्री पुष्पकमल दाहाल ‘प्रचण्ड’को दिवंगत जीवनसंगिनी सीता दाहालको श्रद्धाञ्जली तथा शोकसभा आयोजना गरेको छ ।
महासंघले बिहीबार महासंघको केन्द्रीय कार्यालय कोटेश्वरमा अन्टुफ अध्यक्ष जगत सिम्खडा अध्यक्षतामा श्रद्धाञ्जली तथा शोकसभा आयोजना गरेको हो ।
श्रद्धाञ्जली तथा शोक सभामा महासंघका अध्यक्ष सिम्खडाद्वारा हस्ताक्षरित शोक वक्तव्य पढेर सुनाइएको थियो ।
यस्तै केन्द्रीय समितिका पदाधिकारी, केन्द्रीय सदस्यहरु साथै महासंघ सम्बद्ध पेशागत संगठनका उपस्थित सम्पूर्ण नेता र कार्यकर्ताहरुले दिवंगत सीता दाहालको तस्बिरमा पुष्पअर्पण गरी श्रद्धाञ्जली व्यक्त गर्दै नेकपा (माओवादी केन्द्र)का अध्यक्ष तथा प्रधानमन्त्री पुष्पकमल दाहाल ‘प्रचण्ड’ लगायतका शोकसन्तप्त परिवारजनमा हार्दिक समवेदना व्यक्त गरेका थिए ।
Be the first to comment