नेपाल बहुराष्ट्रिय कम्पनी मजदुर युनियन (आ. ट्रे. यु. ) सिमरा बारा रक्त सञ्चार केन्द्र बिरगंज द्वारा विश्व रक्तदाता दिवसको अवसरमा सफल रक्तदाताको रुपमा सम्मानित भएको छ ।
यस बारा पर्सा क्षेत्रमै नियमित र धेरै संख्यामा रक्तदान गर्ने संस्था मध्ये उत्कृष्ट ४ औ स्थानमा पर्न सफल भएको छ । यस बिरगंज औधोगिक करिडोरमा आफ्नो छुट्टै पहिचान बनाएको यस युनियनले नियमित सामाजिक उत्तरदायित्वका क्रियाकलापहरु संचालन गर्दै आएको कुरा युनियनका अध्यक्ष रामपुकार पासवान बताउनु हुन्छ ।
यस युनियनले श्रमिकहरुमा चेतना स्तर बढाउने उदेश्यले श्रम आवाज नामको रेडियो कार्यक्रम संचालन गरेको , नियमित बचत र सहज ऋण उपलब्ध गराउने हेतु श्रमिक सहकारी संचालन गरेको , नियमित रक्तदान कार्यक्रम संचालन गरि आवश्यक अबस्थामा सरलरुपमा रगत उपलब्ध हुने वातावरण निर्माण गरेको । विभिन्न खेल आयोजना गरि श्रमिक हरुमा उर्जा प्रदान गर्ने कार्य गरेको छ ।
हरेक बर्ष आफ्नो नियमित बार्षिक तालिकाको रुपमा कार्यक्रम सम्पन्न गर्दै आइ रहेको छ । अन्तमा: सम्मान गर्ने रक्त सञ्चार केन्द्र बिरगंज शाखा , यो अवसर प्राप्त गर्न उत्कृष्ट मानविय कार्यमा सहभागी भइ रक्तदान गर्ने सुर्य नेपाल प्रा. ली. का कर्मचारी तथा यसै सिमरा नगरी र विभिन्न संघसंस्थाका सहभागी मित्रहरु, विद्यार्थी भाईबैनी हरु तथा कार्यक्रम सम्पन्न गर्न आयोजन गरि दिने संस्था सुर्य नेपाल प्रा. ली. लाई हार्दिक धन्यवाद प्रकट गर्दछौ साथै निरन्तर सहयोग र सहभागिताको अपेक्षा रहेको कुरा अध्यक्ष पासवान बताउनु हुन्छ ।
Be the first to comment