अखिल नेपाल पेट्रोलियम तथा ग्यास श्रमिक संघको पहलमा सामाजिक सुरक्षा कोष आश्रित परिवार सुरक्षा योजना अन्त्तरगत पीडित शान्ति मगरलाई रु तेह्र लाख पचास हजार दिलाउन सफल भएको छ । चापागाउ दोबाटो ललितपुरमा रहेको महालक्ष्मी बिश्वकर्मा ट्रेडर्स योगदानमा आधारित सामाजिक सुरक्षा कोषमा सुचिकृत नहँुदा उक्त रकम तिर्न संचालक बाध्य भएका हुन् ।
बिगत १७ बर्ष पहिले अरुण गा. पा. वडा नम्बर २ भोजपुर स्थाई घर भएका प्रेमबहादुर श्रेष्ठ रोजगारीको सिलसिलामा महालक्ष्मी बिश्वकर्मा पम्प पुगेका थिए । कार्यक्षेत्रमा काम गर्दा गर्दै बिरामी भै पाटन अस्पताल ललितपुर पुगेको प्रेमबहादुर कहिले नफर्कने गरि सदाको लागि अस्ताएका थिए ।
प्रेमको श्रीमति शान्ती मगर, एक छोरी र छोरा छन् । नेपाल सरकारले योगदानमा आधारित सामाजिक सुरक्षा कोषलाई अनिवार्य गराएता पनि पेट्रोलियम छेत्रमा न्यून मात्रामा मात्र लागू गरेका छन् । सामाजिक सुरक्षा कोषबाट पाउँने सुबिधाबाट बन्चित पेट्रोलियम तथा ग्यास श्रमिकहरु आन्दोलनको तयारीमा रहेको संघका केन्द्रिय उपमहसचिब जगत श्रेष्ठले बताउनु भयो ।
हामी वास्तविक श्रमिकहरुको अबस्था बुझ्न प्रत्येक पम्प प्रतिष्ठानमा पुगि रहेका छौ, न्युनतम वेतन, सामाजिक सुरक्षा कोष लागू गर्न जस्तोसुकै कदम उठाउन संघ तयार रहेको श्रेष्ठले बताउनु भयो ।
हालसम्म काठमाडौमा १५ वटा ललितपुरमा १ मात्र पम्प सुचिकृत छन् अझै पनि संचालकहरु सुचिकृत नहुने हो भने सबै पम्प प्रतिष्ठान विरुद्ध कानुनी उपचारमा लाग्ने छांै श्रेष्ठले भन्नुभयो ।
बैशाख ३१ गते २०८१ साल
Be the first to comment