सीता दाहालको पशुपतिमा अन्त्येष्टि, प्रचण्डले दिए दागबत्ती

२७ असार, काठमाडौं । प्रधानमन्त्री पुष्पकमल दहाल प्रचण्डको पत्नी सीता दाहालको पशुपति आर्यघाटमा अन्त्येष्टि गरिएको छ ।

दिवंगत दाहालको राजकीय सम्मानका पशुपतिमा अन्त्येष्टि गरिएको हो । उनलाई पति पुष्पकमल दाहाल प्रचण्ड र दुई छोरी रेणु र गंगाले दागबत्ती दिएका थिए ।

उनको बुधबार बिहान ८ बजेर ३३ मिनेटमा नर्भिक अस्पतालमा निधन भएको थियो भने नेकपा माओवादी केन्द्रले उनको पार्थिव शरीर पशुपति आर्यघाट लैजानुअघि श्रद्धाञ्जलीका लागि पार्टी कार्यालय पेरिसडाँडामा राखिएको थियो ।