“प्रशिद्ध अमेरिकी जनगायक- पिट सीगर” एक चर्चा – जय कार्की

सुप्रशिद्ध अमेरिकी लोकगायक पिट (पिटर) सीगरको जन्म मई ३, १९१९ मा अमेरिकाको म्यानहाटनमा भएको थियो भने जनवरी २७, २०१४ मा ९४ बर्षको उमेरमा दिबंगत भएका थिए । उनी अमेरिकी लोक गायकका नामले निकै परिचित थिए ।

संगीत क्षेत्रको अति महत्वपूर्ण ग्राम्मी अवार्ड लगायत कैयौं सम्मानद्धारा सम्मानित थिए उनी । सामाजिक कार्यकर्ताको हैशियतले पनि निकै चर्चामा रहेका पिटले अन्याय अत्याचार, दमन धरपकड, भियतनाम युद्ध, उपनिवेशबादी नीति,काला जातिमाथि गरिने बर्बर आतंक श्रमिकहरुको पक्षमा न्यायको माग गर्दै उनीहरुको आन्दोलनमा साथ दिएकोले र श्रमिकहरुको पक्षमा गीत रचेर गाएर जनमत तयार गरेकोले कम्युनिष्ट भएको आशंका गरी कालो सूचिमा राखिएको थियो ।

कानुनी तथा अदालति अनुसन्धानबाट प्रमाणित पनि भएन उनी सरकार सामु झुक्ता पनि झुकेनन । उनले जनताको पक्षमा जिवन पर्यन्त गाउन पनि छाडेनन । ”हामी जित्ने छौ हामी जित्ने र्छौं ” बोलको गीतलाई इन्टरनेशनल गीतको नयाँ कडि भनि अत्यधिकले अझै पनि उत्तिक्कै मन पराईरहेका छन भन्नु हुन्छ रेडियो डेमोक्रयासी नाउ की प्रस्तोता एमी गुडम्यान ।

सो गीतलाई नेपालीमा प्रगतिवादी वरिष्ठ गायक रामेशले अनुवादसहित संगीतबद्धगरी आफैले गाउँनु भएको छ । यो गीत नेपालमा पनि त्यत्तिक्कै लोकप्रिय रहेको छ । गायक रामेशको दुई दर्जनभन्दा ठूलो संगीत मण्डलीले १०० औं अक्टोबर क्रान्ति दिवसको समापन समारोहको लागि अन्तिम गीतकोरुपमा गाएको थियो । त्यसपछि यो गीत झनै लोकप्रिय भएको छ ।

अंग्रेजी भाषामा अति सामान्य र सबैले सहजै बुझने शैलीमा रचित यो गीतले बोकेको भावनालाई आत्मासाथ गर्नु सबैभन्दा महत्वपूर्ण पक्ष हो । पिट सीगरप्रति फेरी एकपटक गहिरो संझाना सहित उहाँको गीत । यो गीत जोन बायज लगायत अरु अरु गायकहरुले पनि केही नयाँ शैलीमा गाएका छन । तर सबैभन्दा मीठो शैलीमा गायक रामेसले गाएको महशुस भयो किनकी मातृ भाषामा भएकोले र उहाँको गाउँने शैली नै निकै फरक पनि छ ।