पाप-जय कार्की

हो रहेछ,

जागिर खाँदा गरेको अकुत भ्रष्टाचारको पापले

अहिले भत्भत् पोल्न थालेको छ

रिटायर पछिको आरामको जिन्दगीमाथी

धावा बोलेको छ

अब त पचाएँ भनि हाइसन्चोको

आराममा थिएँ

समाजका अघि

ठाँटले आरामको जिन्दगी बाँचेको थिएँ

कुकर्म भनेको आखिर कुुकर्म नै रहेछ

पिण्ड खाने उमेरमा जेलमा जाकिनु परेको छ ।

समाजका अघि दुत्कारित पात्र बनि

स्वाँ स्वाँ सास फेर्नुु परेको छ

मेरा बैंशका पापकर्म

धुरी छेडेर चिच्याउँन थालेको छ

यो कुकर्म कसैले नगरुन्

मर्ने बेलामा कसैले पनि

नर्कको बास

जेल चलान हुनुनपरोस्