मजदुर र रिसाईकल मेसिन– जय कार्की

मजदुरलाई ओछ्याउने हो,

मजदुरलाई नै कज्याउने हो ।

मजदुरलाई नै चुसी चुसी खाएर–

आँपको कोयो फाले झैं,

कुडा कर्कटमा फाल्ने हो ।

मजदुरलाई नै कागति निचोरेर,

कागतिको छोक्रा र बोक्रा फाले झैं फाल्ने हो ।

मजदुरलाई नै ओढ्ने हो,

मजदुरलाई ओछ्याउँने हो ।

पत्रु र घिनलाग्दो भएपछि,

कपडा पेल्ने मेसिनमा हाली–

रिसाइकल गरी चकटी बनाई

चाकमा ओछ्याउने हो ।

खबरदार अब ती दिन गए,

दमनकारी जंजीरलाई धुजाधुजा पार्नकालागि–

मजदुरवर्ग आफै प्रतिरोधको बिगूल

फुक्न सक्षम र तयार भई,

अब अघि बढे ।